Densaýlyq saqtaý mınıstrligi medısınalyq qyzmetterge tarıfterdi kezeń-kezeńimen kóterýge kirisedi.
Basymdyq – balalar jáne bosandyrý. Bul týraly mınıstrliktiń baspasóz qyzmeti málim etti, dep habarlaıdy almaty-akshamy.kz.
Densaýlyq saqtaý mınıstrligi medısınalyq qyzmetterge qatysty tarıfterdi qaıta eseptedi. Negizgi maqsat – medısınalyq uıymdarǵa qarjylyq júktemeni azaıtý jáne barlyq azamat úshin joǵary sapaly medısınalyq kómektiń qoljetimdiligin qamtamasyz etý.
2024 jylǵy 1 maýsymnan bastap qabyldanǵan sheshimderge sáıkes júkti jáne bosanǵan áıelderge, sondaı-aq stasıonarlyq jaǵdaıda balalarǵa shuǵyl medısınalyq kómek kórsetetin uıymdar úshin tarıfter kóteriletin bolady.
«Tarıfterdiń kóterilýi azamattardyń medısınalyq kómek alýǵa arnalǵan qalta shyǵysyn azaıtýǵa, sondaı-aq medısınalyq uıymdarǵa sońǵy jyldary jınalǵan ınflásıalyq shyǵyndardy óteýge jáne densaýlyq saqtaý salasyndaǵy turaqtylyqty qamtamasyz etýge múmkindik beredi. Saqtandyrý aktıvteriniń esebinen qosymsha bólinetin qarajattyń jalpy somasy densaýlyq saqtaý júıesiniń tıimsiz shyǵystaryn ońtaılandyrý nátıjesinde bosatyldy jáne 20 mıllıard teńge boldy», - delingen habarlamada.
Abdomınaldyq hırýrgıa, ınfeksıa, nevrologıa, gastroenterologıa, kardıologıa, travmatologıa jáne ortopedıa, nefrologıa, endokrınologıa, onkogematologıa sıaqty birqatar basqa baǵyt boıynsha tarıfterdi kezeń-kezeńimen arttyrý josparlanyp otyr.
Bul memleket medısınalyq uıymdarǵa medısınalyq qyzmet kórsetýge baılanysty shyǵystardy kezeń-kezeńimen óteıtinin bildiredi.