Erjan Babaqumarov Áıelder isteri jáne otbasylyq-demografıalyq saıasat jónindegi qalalyq komısıanyń otyrysyn ótkizdi
Almaty qalasy ákiminiń orynbasary Erjan Babaqumarovtyń tóraǵalyǵymen ótken keńeste 2021 jyldyń jumys nátıjeleri men kelesi jylǵa arnalǵan josparlar qaraldy, dep habarlaıdy Almaty-akshamy.kz
Kezdesýge qatysýshylar áıelderge qatysty turmystyq zorlyq-zombylyqtyń aldyn alý, ana men balany qorǵaý, sondaı-aq ózekti problemalardy sheshý boıynsha tıimdi tásilderdi ázirleý máselelerin talqylady.
Komısıa tóraǵasy orynbasarynyń mindetin atqarýshy Sana Jandaı atqarylǵan jumys týraly esep berdi. Áıelderge qatysty turmystyq zorlyq-zombylyqtyń aldyn alý týraly qalalyq polısıa departamentiniń ókili Gúlbaný Sabralıeva baıandady. Ana men balany qorǵaýdyń ózekti máseleleri, olardy sheshý joldary boıynsha Almaty qalasy qoǵamdyq densaýlyq basqarmasy basshysynyń orynbasary Laýra Myrzaǵalı aıtyp berdi.
Áıelderdiń qoǵamdyq jáne quqyq qorǵaý uıymdarynyń ókilderi de óz pikirlerimen jáne usynystarymen bólisti.
Otyrys qorytyndysy boıynsha qala ákiminiń orynbasary Erjan Babaqumarov komısıanyń jumysyn barlyq baǵyttar, sonyń ishinde áıelderge qatysty zorlyq-zombylyq faktilerine jol bermeý boıynsha kúsheıtýdi tapsyrdy. Sonymen qatar, otbasy ınstıtýtyn nyǵaıtý, qıyn jasóspirimderdi beıimdeý jáne áleýmettendirý, áıelder men balalardyń múddelerin qorǵaý boıynsha memlekettik organdardyń jumysyn úılestirý boıynsha pármendi sharalar ázirleý qajettigi atap ótildi.
Sonymen qatar, Erjan Babaqumarov turmystyq zorlyq-zombylyqtyń aldyn alý boıynsha servıstik polısıa jobasynyń elementterin zerdeleýdi jáne praktıkada qoldanýdy tapsyrdy. Áıelderdiń qoǵamdyq uıymdaryn ómirlik qıyn jaǵdaıǵa tap bolǵan áıelderdi qoldaý jónindegi daǵdarys ortalyqtary jelisin keńeıtýge tartý qajet.
Talqylaý barysynda sheshýdi talap etetin ózekti máselelerdi anyqtaý úshin aqparattyq-túsindirý jumystaryn kúsheıtý jáne áleýmettik saýalnamalar júrgizý boıynsha usynystar engizildi.