Otyrys barysynda «Qoǵamdyq qaýipsizdikti qamtamasyz etýdegi servıstik tásil» pılottyq jobasyn iske asyrý barysy qaraldy.
Servıstik polısıanyń pılottyq jobasy Alataý aýdany aýmaǵynda júzege asyrylýda. Basty maqsat – jergilikti turǵyndarmen áriptestik arqyly qoǵamdyq qaýipsizdik deńgeıin arttyrý, dep habarlaıdy Almaty-akshamy.kz
Otyrysta quqyq tártibin qamtamasyz etý máselelerin sheshý jónindegi arnaıy vedomstvoaralyq toptyń jumysy týraly esep tyńdaldy. Budan basqa, jańa formattaǵy jumystyń týyndaǵan máselelerin sheshý jónindegi sharalar qaraldy.
EQYU-nyń ulttyq azshylyqtar jónindegi Joǵarǵy Komısarynyń túrli qoǵamdardy biriktirý jónindegi Lúblándyq usynystaryna sáıkes arnaıy topqa aýdanda turatyn uıǵyr, qyrǵyz jáne dúngen qaýymdastyqtarynyń ókilderi kirdi.
Otyrysta adam quqyqtary jónindegi Hartıanyń atqarýshy dırektory, Prezıdent janyndaǵy ulttyq qoǵamdyq senim keńesiniń múshesi Jemis Turmaǵambetova, sondaı-aq Alataý aýdany ákiminiń shtattan tys keńesshisi, Alataý aýdany JPQ PB-nyń qoǵamdyq polısıa kómekshisi Ásel Jumaǵalıeva óz usynystaryn aıtty.
Almaty qalasy ákiminiń orynbasary Erjan Babaqumarov otyrystyń jumysyn qorytyndylaı kelip, jobany iske asyrý barysynda áleýmettik saýalnamanyń aldyn ala tujyrymdary men qoǵam qaıratkerleriniń usynystaryn eskerýdi tapsyrdy. Budan basqa, kelesi jylǵa qoıylǵan mindetterdi iske asyrý jónindegi sharalar paketin ázirleý qajet.