İshki ister mınıstrligi balalardyń quqyqtaryn qorǵaý jónindegi ýákil jáne depýtattarmen birlesip, zańnamaǵa birneshe túzetý ázirledi.
Bul týraly Ákimshilik polısıa komıtetiniń erekshe tapsyrmalar jónindegi aǵa ınspektory málimdedi, dep habarlaıdy Almaty-akshamy.kz.
Aqmaral Serikbaevanyń aıtýynsha, endi áıeline nemese bala-shaǵasyna qol kóterip, densaýlyǵyna jeńil zıan keltirgender ákimshilik emes, qylmystyq jaýapkershilikke tartylady. Ári sotqa otbasynyń shyrqyn buzatyn azamattardy turǵyn úıden ýaqytsha shyǵaryp, áleýmettik beıimdelý ortalyqtaryna jiberý quqyǵy berilip otyr. Budan bólek, turmystyq janjaldardy arnaıy polıseıler tergemek.
«Sonymen qatar İİM otbasylyq zorlyq-zombylyqqa qarsy kúres jónindegi mamandandyrylǵan derbes bólimshe bólimshe qurylatyn bolady. Ol bólimsheler tek osy turmystyq zorlyq zombylyq kúrespen ǵana aınalysady», - deıdi QR İİM ákimshilik polısıa komıtetiniń aǵa ınspektory Aqmaral Serikbaeva.