AliExpress Gangwon 2024 jylǵy qysqy jasóspirimder Olımpıadasynyń (YOG) uıymdastyrý komıtetimen seriktese otyryp, Seýlde Gangwon 2024 lısenzıasy bar taýarlardy satatyn ınternet-dúkenin ashty, dep habarlaıdy almaty-akshamy.kz Kazinform-ge silteme jasap.
Halyqaralyq Olımpıada komıteti (HOK) platformada kórsetiletin eksklúzıvti jáne resmı lısenzıalanǵan ónimderdi atap ótip, bul kásiporyndy qoldaǵanyna qýanyshty ekenin bildirgen.
«Bul dúkenniń vırtýaldy sórelerinde Moongcho resmı tumarynan bastap, tósbelgilerge, kıimderge, aksesýarlarǵa, keńse taýarlaryna jáne t.b. kóptegen ónimder bolady. Bul toptama Koreıa Respýblıkasyndaǵy jankúıerler úshin jalpy Olımpıada tájirıbesin arttyra otyryp, jarqyn atmosferany qurýǵa baǵyttalǵan», - delingen habarlamada.
Eske sala keteıik, IV qysqy jasóspirimder Olımpıadasy bıyl 19 qańtar men 1 aqpan aralyǵynda Ońtústik Koreıanyń Kanvon qalasynda ótedi.
Qazaqstan namysyn sporttyń bes túri men 10 dısıplına boıynsha 42 sportshy qorǵaıdy. Atap aıtar bolsaq, bıatlon, kerlıng, kónkımen júgirý, short-trek, shaıbaly hokeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paraleldi mogýl boıynsha baq synaıdy.
Bizdiń sportshylar 30 joldama jeńip aldy.