Qazaqstandyq otbasylar as úı plıtasymen 100 paıyz, ydys jýatyn mashınamen 34 paıyz ǵana qamtylǵan.
Sáýir aıyndaǵy kórsetkishter boıynsha satyp alynǵan turmystyq tehnıkanyń baǵasy bir jylda 18,1%-ǵa qymbattaǵan, dep habarlaıdy Almaty-akshamy.kz Energyprom.kz-ke silteme jasap.
Ulttyq statısıka búrosynyń málimetine sensek, 2021 jyly qazaqstandyq otbasylardyń 100%-y as úı plıtasymen, 99,7%-y tońazytqyshpen, 96,1%-y kir jýǵysh mashıınamen, 94,1%-y shańsorǵyshpen, 79,1%-y qysqa tolqyndy peshpen qamtylǵan. Al muzdatý kamerasyn qazaqstandyq otbasylardyń 29,6%-y, elektr qazandy 28%-y, tigin mashınasyn 27,9%-y, kondısıonerdi 24,1%-y, tok peshti 18,5%-y, ydys jýǵysh mashınany 3,4%-y kúndelikti turmysta qoldanyp júr. Kir jýǵysh mashınamen, shańsorǵyshpen, qysqa tolqyndy peshtermen, elektr qazanmen, kondısıonermen, toq peshpen, ydys jýǵysh mashınamen qamtylý deńgeıi qalalyqtarda joǵary bolsa, aýyl turǵyndardy tońazytqysh, muzdatqysh, tigin mashınasy sıaqty tehnıkany qalalyqtardan jıi satyp alady.
«10 otbasy dep alsaq, olar 102 tońyzytqysh, 102 as úı pltasy, 97 kir jýǵysh mashına, 95 shańsorǵysh, 79 qysqa tolqyndy pesh, 30 muzdatqysh, 28 tigin mashınasy, 28 elektr qazan, 26 kondısıoner, 20 toq pesh, 4 ydys jýǵysh mashına tıesili. Bıylǵy 3 aıdyń qorytyndysy boıynsha, otandyq óndirýshiler bar bolǵany 322 turmystyq tońazytqysh pen muzdatqysh jasap shyǵarǵan. Al osy ýaqytta 144, 9 myń ımporttyq tehnıka ákelingen. Birinshi toqsanda Qazaqstan aýmaǵyna 150,8 myń kir jýǵysh mashına men kir keptirgish tehnıka, 89,1 myń shańsorǵysh, 181,9 myń mıkser ákelingen. Bul tehnıkanyń eshbiri Qazaqstanda shyǵarylmaıdy», - delingen Energyprom.kz aqparatynda.
Portaldyń jazýynsha, sáýir aıyndaǵy kórsetkishter boıynsha satyp alynǵan turmystyq tehnıkanyń baǵasy bir jylda 18,1%-ǵa qymbattaǵan. Ásirese, Almaty oblysynda 21,5% qymbattaý tirkelgen. Sondaı-aq, Jambyl oblysy men (20,7%) jáne Soltústik Qazaqstan oblysy (20%) qymbat óńirlerdiń úshtigine kirip otyr. Jeke tehnıkalarǵa kelsek, tońazytqyshtar men muzdatqyshtar 15,8%-ǵa, as úı plıtasy 17,2%-ǵa, kir jýǵysh jáne ydys jýǵysh mashına 22%-ǵa, shańsorǵysh 25,1%-ǵa qymbattaǵan.