Qazaqstandyq ǵalymdar «Qazaq geraldıkasy» ataýmen memlekettik rámizderge arnalǵan kitap shyǵarýdy josparlaýda.
Geraldıkalyq zertteýler ortalyǵynyń ǵalymdary qazir tıisti materıaldardy jınap, zertteý jumystaryn júrgizýde, dep habarlaıdy Almaty-akshamy.kz
Ǵalymdardyń aıtýynsha, rámizderdiń tarıhı sımvolıkalyq máni óte joǵary. Ony tereńnen zertteý tarıh qatparynda qalǵan tyń málimetterdi ashýy múmkin. Bul memlekettik rámizderdiń 30 jyldyǵyna arnalǵan úlken tartý bolmaq.
"Tarıh salasyndaǵy ǵalymdarymyzben birge qazir «Qazaq geraldıkasy» kitabyn shyǵarý ústindemiz. Geraldıkanyń ózi - ótken ómirimizdiń nemese ótken ǵasyrlarymyzdyń tarıhy. Qazirgi tańda osy nyshandardyń keıbiri qoldanylyp júr. Umyt bolǵan geraldıkalyq belgilerdi, ıeroglıfterdi búginde ǵalymdarymyz zerttep jatyr", - dedi Geraldıkalyq zertteýler ortalyǵynyń dırektory Asylbek Baıajuma.