Tımýr Týrlov – byltyr Qazaqstan azamattyǵyn alǵan olıgarh.
Ol jańa 5G uıaly baılanys operatoryn qurýǵa nıetti ekenin málimdedi, dep habarlaıdy Almaty-akshamy.kz
«Qazirgi ýaqytta men komýnıkasıalar naryǵyna qatty qyzyǵyp júrmin jáne telekomýnıkasıa bizdiń ekojúıeniń jańa ózegine aınalýy ábden múmkin, bul bizge sheshimderdiń tıimdiligi men jyldamdyǵy týraly ıdeıany ózgertýge múmkindik beredi. Sonymen qatar ony qabyldaý qatelerdi azaıtýǵa, ónimniń qoljetimdiligi men ómir súrý sapasyna áser etedi. Biz aldymyzǵa birneshe jyl ishinde múldem jańa 5G uıaly baılanys operatoryn qurý mindetin qoıdyq. Biz elimizdegi eń mańyzdy máselelerdiń birin óz moınymyzǵa alýǵa tyrysýdy jón kórdik. Biz Internettiń búkil elde qoljetimdi bolýyn qalaımyz. Al ol úshin óte arzan qurylysty bastaý kerek. Sonda bizde bolashaqtyń medısınasy, bolashaqtyń bilimi, qaýipsizdik bolady», - dedi ol.
Tımýr Týrlov – AQSH-ta tirkelgen jáne Qazaqstanda «Freedom Finance Bank Kazakhstan» AQ (burynǵy Kassa Nova Bank) saqtandyrý kompanıasynyń jalǵyz qatysýshysy bolyp tabylatyn «Freedom Finance» AQ arqyly Qazaqstanda jumys isteıtin Freedom Holding Corp. ınvestısıalyq tobynyń negizin qalaýshy jáne aksıoneri.
Ol Forbes jýrnalynyń «Qazaqstannyń eń yqpaldy 50 bıznesmeni - 2022» tiziminde 8-shi oryndy ıelendi. Sońǵy málimetter boıynsha onyń baılyǵy 3,5 mıllıard dollar shamasynda.