Almaty qalasynyń Túrksib aýdanyndaǵy №11 órt sóndirý bóliminde dinı ekstremızm men terorızmniń aldyn alýǵa baǵyttalǵan aqparattyq-túsindirý is-sharasy uıymdastyryldy.
Jıyn Saıahat saýda ortalyǵynda ótip, radıomunara arqyly kópshilikke taratyldy, dep habarlaıdy aqshamnews.kz.
Sharanyń maqsaty – memlekettik qurylym qyzmetkerleriniń dinı jáne quqyqtyq saýattylyǵyn arttyrý arqyly qoǵamdaǵy turaqtylyqty saqtaý. Dáristi Almaty qalasynyń aqparattyq-túsindirý tobynyń múshesi, dintaný magıstri Mádına Serikqyzy Álimǵojınova júrgizdi.
Maman óz sózinde QR Konstıtýsıasy men din salasyna qatysty zańnama normalaryna toqtalyp, dinı senim bostandyǵy men dinı ekstremızmniń aıyrmashylyǵyn túsindirdi. Ol destrýktıvti aǵymdardyń áreket etý joldaryn naqty mysaldarmen kórsetip, radıkaldy ıdeıalardyń adamdardyń quqyqtyq jáne rýhanı álsizdigin paıdalanatynyn atap ótti.
Dáris barysynda qatysýshylarǵa ekstremıstik uıymdardyń aldaý tásilderi men olardan saqtaný joldary jaıly beınematerıal kórsetildi. Sonymen qatar, dintanýshy teris dinı mazmundaǵy aqparattardy tek resmı derekkózderden alýǵa keńes berip, senimge selkeý túsiretin toptarmen baılanys ornatpaý kerektigin eskertti.
İs-shara sońynda qatysýshylar dáristiń ózektiligin atap ótip, ondaǵy málimetterdiń kásibı qyzmetke de, jeke sanaǵa da oń yqpal etetinin jetkizdi. Órt sóndirý salasynda qoǵamdyq qaýipsizdik pen ishki turaqtylyqty saqtaý basty mindetterdiń biri bolyp tabylady.
Atalǵan is-shara – dinı ekstremızm men terorızmniń aldyn alý baǵytynda júrgizilip jatqan júıeli jumystyń bir bóligi. Memlekettik qyzmetkerlerdiń dinı jáne quqyqtyq saýattylyǵyn arttyrý – radıkaldy ıdeologıalarǵa qarsy tura alatyn qoǵamdyq ımýnıtetti qalyptastyrýdyń mańyzdy qadamy.