Túrksib aýdanynda turmystyq qarym-qatynastar salasynda jasalatyn quqyq buzýshylyqtardyń aldyn alý úshin 20-29 qańtary aralyǵynda «Turmys» atty jedel-profılaktıkalyq is-shara ótedi, dep habarlaıdy Aqshamnews.kz
Polısıa qyzmetkerleri turǵyndar arasynda zańnamany túsindirý, turmystyq quqyq buzýshylyqqa beıim azamattardyń jáne áleýmettik jaǵdaıy tómen otbasylardyń turǵylyqty jerin tekserý boıynsha keń aýqymdy sharalar júrgizýge baǵyttalǵan.
Qurmetti Túrksib aýdanynyń turǵyndary! Eger turmystyq zorlyq-zombylyq faktileri týraly bilseńiz nemese onyń qurbany bolsańyz, kelesi baılanys nómirlerine habarlasýyńyzǵa bolady:
- 102 – jedel áreket etý ortalyǵy;
- 298-54-02 – Túrksib aýdandyq polısıa basqarmasynyń kezekshi bólimi;
- 298-54-07 – ýchaskelik polısıa ınspektorlary bóliminiń basshysy;
- 298-54-12 – ýchaskelik polısıa ınspektorlary bóliminiń basshysynyń orynbasary;
- 298-54-25 – áıelderdi zorlyq-zombylyqtan qorǵaý jónindegi aǵa ınspektor.
Sonymen qatar, sharaǵa daǵdarys ortalyqtary da qatysýda. Olar quqyqtyq jáne psıhologıalyq keńes berý úshin táýlik boıy jumys isteıdi:
- «Rodnık» QQ – 396-19-38;
- «Jan-Saıa» – 150 (táýlik boıy) nemese 8 777 225 53 26.
«Turmys» is-sharasy otbasylyq-turmystyq qatynastar salasynda quqyq buzýshylyqtardyń aldyn alýǵa, qoǵamdaǵy zorlyq-zombylyq deńgeıin tómendetýge jáne quqyqtyq mádenıetti arttyrýǵa baǵyttalǵan. Polısıa turǵyndardan belsendi azamattyq ustanym tanytyp, turmystyq zorlyq-zombylyqtyń kez kelgen faktisine beı-jaı qaramaýdy suraıdy.