Qalanyń basqa aýdandarynda sýdy óshirý josparlanbaǵan.
Túrksib aýdanynda iri sý qubyryndaǵy apatty joıý jumystary jalǵasýda, dep habarlaıdy Almaty-akshamy.kz.
Avtokólikter júretin Rysqulov dańǵylynyń júrý bóliginiń Gersen kóshesimen qıylysý aýmaǵyndaǵy eki jolaǵy qozǵalystyń batys jaǵyna qaraı ýaqytsha jabyldy.
Osyǵan baılanysty, tómende kórsetilgen kósheler kontýrynda ornalasqan ákimshilik ǵımarattar men úı qurylystaryna sý berý ýaqytsha toqtatylady:
- Súıinbaı-Baıanaýyl-
Shemákın-Hmelnıskıı;
- Rysqulov-Parkovaıa-Qulynshaq-Baıshev;
- Aısha bıbi, Atyraý, Shýaqty shaǵyn aýdandary.
Atalǵan mekenjaılar men shaǵynaýdandarǵa avtosısternalarmen sý tasymaldaý júzege asyrylady.
Qalanyń basqa aýdandarynda sýdy óshirý josparlanbaǵan.
"Almaty Sý" MKK apattyq brıgadalary Gersen kóshesi boıymen tartylǵan D=500 mm magıstraldyq sý qubyrynda qalpyna keltirý jumystaryn oryndaýda. Apattyq jaǵdaıdy joıý jumystaryna 16 tehnıka jumyldyryldy.
Gersen kóshesi boıymen ótetin magıstraldyq sý qubyry 1962 jyly paıdalanýǵa berilgen.
Almaty qalasynyń qoldanystaǵy ınjenerlik ınfraqurylymynyń jelileri ǵana emes,sonymen qatar obektiler jabdyqtarynyń da aıtarlyqtaı tozyǵy jetken. Sýmen jabdyqtaý jelileriniń uzyndyǵy 3528 km quraıdy, onyń ishinde 1941,2 km jeli aýystyrýdy qajet etedi (Jalpy uzyndyǵynyń 55,8 paıyzy)
Keltirilgen qolaısyzdyqtar úshin keshirim suraımyz!
“Almaty Sý” MKK dıspecherlik qyzmetiniń telefondary: 274-66-66, +7 771 852 91 01
