Jyl sońyna deıin uzyndyǵy 6,5 shaqyrym (Rysqulov dańǵylynan áýejaıǵa deıin) Kishi Almaty ózeniniń arnasyn keńeıtip, tereńdetý jumystary aıaqtalady, - dedi Almaty qalasy ákiminiń m.a. E.A. Dosaev Túrksib aýdanynyń turǵyndarymen kezdesýinde.
Arnanyń boıymen adamdar júretin joldar salynyp, Workout kesheni jáne syrtqy jaryqtandyrý jelileri ornatylǵan. Qazirgi ýaqytta tótenshe jaǵdaı jelisi boıynsha sý basatyn uzyndyǵy 3,8 shaqyrym 11 ýchaskeni joıý úshin jumystar júrgizilýde. Búgingi kúni 4 mekenjaı boıynsha jumystar aıaqtaldy, 7 ýchaske jeltoqsan aıynda aıaqtalady.
Sondaı-aq, jyl sońyna qaraı Almaty-1 kolektoryn qalpyna keltirý jumystary aıaqtalady, ol Zorge kóshesindegi jańbyr sýlaryn aǵyzyp áketýdi qamtamasyz etedi.
Turaqty sý basatyn uzyndyǵy 41 shaqyrym qosymsha 57 ýchaske anyqtaldy. Jeltoqsanda sý basýdyń aldyn alý úshin jańa aryq jelilerin salý jumystary bastalyp, 2023 jyly jeltoqsanda aıaqtalady.