Almaty ákimi Túrksib aýdany turǵyndarymen kezdesti.
Kezdesýde aýdan kóleminde salynyp jatqan jáne aldaǵy ýaqytta boı kóteretin áleýmettik nysandar jaıly sóz boldy, dep habarlaıdy Almaty-akshamy.kz.
Sapaly medısınalyq qyzmet kórsetý úshin qazirgi ýaqytta «Nurshashqan» shaǵyn aýdanynda 100 adam qabyldaıtyn dárigerlik ambýlatorıanyń qurylysy júrip jatyr. Jumystar 2023 jyldyń qyrkúıek aıynda aıaqtalady. Sondaı-aq, osy jyldyń mamyr aıynda Aıbasov kóshesi, 28 mekenjaıynda 200 adam qabyldaıtyn dárigerlik ambýlatorıanyń qurylysy bastaldy (qurylysty osy jyldyń jeltoqsan aıynda aıaqtaý josparlanýda).
«Qaırat» shaǵyn aýdanynda 340 adam qabyldaıtyn emhana salýǵa jobalaý-smetalyq qujattama ázirleý jumystaryn aıaqtaý osy jyldyń qazan aıyna josparlanǵan.
«RV-90» shaǵyn aýdanynda otbasylyq-dárigerlik ambýlatorıa salýǵa jobalaý-smetalyq qujattama ázirleý úshin konkýrs ótkizilýde. İV-shi toqsanda «Álmerek» shaǵyn aýdanynda otbasylyq-dárigerlik ambýlatorıa salý úshin jobalaý-smetalyq qujattama ázirleýge konkýrs jarıalanady.
Áleýmettik jáne sporttyq baǵyttaǵy obektilerdiń «jaqyn ornalasýyn» qamtamasyz etý boıynsha qarqyndy jumys jalǵasýda.
Osy jyldyń İİİ-shi toqsanynda «Jas Qanat» shaǵyn aýdanynda (jalpy aýdany 7,4 myń m2) ótkizý qabileti bir aýysymda 150 adamdy (kúnine 4 aýysym) quraıtyn zamanaýı dene shynyqtyrý-saýyqtyrý kesheni (úshinshi uzartý) ashylady. Sondaı-aq osy jyldyń sáýir aıynda Maılın kóshesi, 42 A mekenjaıynda («Avıator») dene shynyqtyrý-saýyqtyrý keshenin salýǵa jobalaý-smetalyq qujattama ázirleýge konkýrs jarıalandy.