Túrksib aýdanyn bilim berý nysandarymen qamtamasyz etý jumystary belsendi júrgizilýde dep habarlaıdy almaty-akshamy.kz.
Osy jyldyń 1 qyrkúıegindegi aýdandaǵy oqýshy oryndarynyń tapshylyǵy 2 myńnan asty (2 119). Qazirgi oqý jylynyń basynda Volochaevskaıa kóshesinde 420 oryndyq jeke mektep ashyldy. Aǵymdaǵy jyldyń 16 jeltoqsanyna deıin «Qaırat» shaǵynaýdanyndaǵy 1500 oryndyq memlekettik mekteptiń qurylysy aıaqtalady.
Búgingi tańda aýdandaǵy úsh bilim oshaǵyn - №59, №195 jáne №198 mektepterdi 1350 orynǵa keńeıtý jumystary júrgizilýde. Bıyl qazan aıynda №59 mektep-gımnazıanyń aýmaǵynda 300 oryndyq jańa mektep ǵımaraty men qosymsha qurylysty salý bastalady. Al, eski ǵımarattyń bir bóligi buzylady. №195 jáne №198 mektepter boıynsha 1050 oryndyq qosymsha qurylys salý úshin jobalaý-smetalyq qujattama ázirlenýde. Jobalaý-smetalyq qujattamany 2023 jyldyń shildesinde aıaqtaý josparlanǵan.
Mektepke deıingi bilim berýde oryn tapshylyǵyn azaıtý úshin 730 oryndyq úsh memlekettik balabaqsha salý josparlanyp otyr. Osy jyldyń IV toqsanynda «Qaırat» shaǵynaýdanynda 260 oryndyq balabaqsha qurylysy bastalady. Qurylys jumystary 2023 jyly aıaqtalady. 2023 jyly "Jas qanat" shaǵynaýdanyndaǵy 280 oryndyq balabaqshanyń qurylysy bastalady. Sondaı-aq, jyldyń sońyna deıin Ogarev kóshesinde 190 oryndyq balabaqsha salý úshin jobalaý-smetalyq qujattama ázirlenetin bolady. Budan basqa, №70 arnaıy bóbekjaı-balabaqshanyń ǵımaratyn seısmıkalyq kúsheıtý jalǵasýda.