Almaty oblysynyń 22 jastaǵy turǵyny esirtki zerthanasyn uıymdastyrǵan, buǵan Almatynyń esirtki qylmysyna qarsy kúres basqarmasy qyzmetkerleriniń derekteri dálel. Ol Almatynyń Túrksib aýdanynda jeke úıdi jalǵa alyp, sol jerde sıntetıkalyq esirtkini qaınatqan.
– Úıdi tintý kezinde 1 keli krıstaldy zat, 20-dan astam metal kanıstrler, belgili bir ıisi bar ishine suıyqtyq quıylǵan shyny bótelkeler, oralǵan esirtki qoraptary, paıdalanylǵan respıratorlar, shıkizatty aralastyrýǵa beıimdelgen elektrli burǵy, elektrondy tarazylar, ólsheýish staqan, zerthanalyq qural-jabdyqtar tabylyp, tárkilendi. Kúdikti jumys berýshimen ınternet arqyly habarlasqanyn aıtty. Saraptama qorytyndysyna sáıkes, tárkilengen zattar jalpy salmaǵy 4 keli 100 gram sıntetıkalyq mefedron esirtki zaty. Kúdikti qamaýǵa alyndy, – dedi Almaty qalalyq polısıa departamenti bastyǵynyń orynbasary Qýatbek Naýatov.
Sondaı-aq polısıa, jyl basynan beri Almatyda sıntetıkalyq esirtki shyǵaratyn 4 zerthananyń joıylǵanyn eske saldy.
QR QK-niń 201-babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
Aqparat kózi Polisia.kz saıtynda: https://polisia.kz/almatyda-esirtki-zerthanasy-zhojyldy-2/