Tekserilgen alǵashqy nysan 32 shaqyrymǵa sozylǵan «Sokolok» arnasy boldy, ol Jaıyq ózeniniń úlken sý aǵysyn Atyraýǵa qaraı baǵyttaýǵa arnalǵan.
«Sokolok» qalany aınalyp ótip, Jaıyq pen Kaspıı teńizin qosady jáne sekýndyna 100 tekshe metr sý qabyldaı alady. Sondaı-aq vıse-premer uzyndyǵy 24 shaqyrym bolatyn jańa arnanyń jumysyn tekserdi.
Budan ári Qanat Bozymbaev táýlik boıy kezekshilik uıymdastyrylǵan qaladaǵy qaýipti ýchaskelerge bardy. Atyraýdy qorǵaıtyn bógetterdiń jalpy uzyndyǵy – 252 shaqyrym.
12 mamyrda qaladaǵy sý deńgeıi 1 sm-ge kóterilip, 539 sm-ge jetti, shektik belgi – 550 sm. Atyraýda sý tasqynynyń sharyqtaý shegi shamamen 4-5 kúnnen keıin bolady dep boljanyp otyr.
Osyǵan baılanysty vıse-premer jaǵalaýdyń sý shaıyp ketetin jerlerinde bógetterdi nyǵaıtýdy, atap aıtqanda olardy geotekstıldermen jáne beton bloktarmen nyǵaıtýdy tapsyrdy.