Áýejaı alańyndaǵy fontan, Moldaǵalıev kóshesindegi jaıaý júrginshiler joly jáne oqýshylar úıiniń janyndaǵy saıabaq: Túrksib aýdanynda 2023 jyly qandaı demalys oryndary abattandyryldy
ÓKQ brıfıńinde Túrksib aýdanynyń ákimi Baqytjan Aqjarov aýdandy abattandyrý jáne qolaıly orta qurý jumystary týraly baıandady. Birqatar nysandar «Halyq qatysatyn búdjet» baǵdarlamasy boıynsha júzege asyrylýda.
«Aýdandy abattandyrý aıasynda bıyl Moldaǵalıev pen Chehov kósheleriniń boıynda jaıaý júrginshiler jáne serýendeý aımaǵy aıaqtalyp, №6 oqýshylar úıiniń janyndaǵy saıabaq qaıta jańartyldy. Bul jobalar Saýranbaev kóshesiniń boıynda buryn jasalǵan serýendeý aımaǵynyń jalǵasy boldy», - dedi aýdan ákimi B.Aqjarov.
Sonymen qatar, Áýejaı alańyna fontan jáne sýarý júıesi ornatylyp, jaıaý júrginshilerge arnalǵan joldar jańartyldy.
Sondaı-aq, ekologıa jáne qorshaǵan ortany qorǵaý departamentimen abattandyrý boıynsha jobalyq-smetalyq qujattama ázirlenýde:
skandınavıalyq júrýge arnalǵan eko-joldary bar Baým toǵaıyn abattandyrý, shaǵyn arhıtektýralyq pishinderdi ornatý;
Úlken Almaty kanalyna rekreasıalyq jáne jaǵajaı aımaqtaryn jaılastyra otyryp jaıaý júrginshiler kópirlerin jańartý;
"Kishi Almaty" ózeniniń boıyndaǵy jaıaý júrginshiler-serýendeý aımaǵyn abattandyrý.
Jobalardy iske asyrý 2024 jyldyń ekinshi toqsanynda bastalady.
«Túrksib aýdany 688 myńnan astam aǵashy bar qalanyń eń jasyl aýdandarynyń biri bolyp sanalady. Jyl saıyn aýmaqty kógaldandyrý boıynsha aýqymdy jumystar júrgizilýde. Tek 2020-2022 jyldar aralyǵynda 12 myń jas aǵash otyrǵyzyldy, osy jyly 28 myń aǵash otyrǵyzyldy», - dep bólisti aýdan ákimi.
Aýdanda 12 myńǵa jýyq apatty aǵash bolsa, onyń ishinde bıyl 2,5 myńy kesiledi. Aýdan ákimdigi aldaǵy 5 jylda barlyq apatty aǵashtardan tolyqtaı qutylýdy josparlap otyr.
B. Aqjarov óz sózinde aýdanda «Halyq qatysatyn búdjet» baǵdarlamasy qarqyndy júzege asyrylyp jatqanyn da atap ótti.
«Bıyl baǵdarlamanyń tıimdiligin eskere otyryp, 78 jobany júzege asyrý úshin Túrksib aýdany úshin bólingen qarajat somasy 1,7 mlrd teńgege deıin ulǵaıtyldy», - dedi ol sóz sońynda.