Túrik tilinde osyndaı atpen Baýyrjan Momyshuly týraly jańa kitap jaryq kórdi.
İs-sharaǵa túrik zıaly qaýym ókilderi, qazaq jáne túrik stýdentter jáne BAQ ókilderi qatysty, dep habarlaıdy Almaty-akshamy.kz
Qazaqstannyń Túrkıadaǵy elshiliginiń uıymdastyrýymen, túrik ǵalymy Ashýr Ózdemirdiń, Baýyrjan Momyshulynyń ómir jolyn qamtyǵan «Túrkistannyń ot balasy Baýyrjan Momyshuly» atty kitabynyń tusaýkeseri ótti.
Ashýr Ózdemir qazaq tili men ádebıeti jáne mádenıetine baılanysty maqalalary ǵylymı jýrnaldar men baspasóz betterinde jarıalanyp turady. Sonymen qatar, Ózdemirdiń Abaı Qunanbaıuly, Álıhan Bókeıhanov, Turar Rysqulov, Sherhan Murtaza sıaqty belgili tulǵalardyń shyǵarmalaryn zerttep, túrik tiline aýdaryp júrgen qalamger-ǵalym.
Kitap úsh bólimnen turady. Birinshi bólimde Baýyrjan Momyshulynyń otbasy, balalyq shaǵy, mektep shaǵy men áskerlik ómiri, ásker sońyndaǵy ómiri, boıyndaǵy adamı qasıetteri týraly baıandalady.
Ekinshi bólimde Baýyrjan Momyshulynyń túıgen oı-pikirleri, qazaq ádebıeti týraly kózqarastary jáne ádebı aýdarmalar men tilge jáne qazaq tarıhyna, otansúıgishtik jáne ultjandylyq, ana men otbasy týraly oı-pikirleri aıtylady.
Úshinshi bólimde ómiriniń ádebıetke baılanysty kózqarasy, jazǵan shyǵarmalary, áskerı shyǵarmalar, óleńderi, maqal-mátelder, jazǵan hattary men túrli baspasóz betterinde jaryq kórgen maqalalary, áskerı estelikteri, saıahattan alǵan áseri baıandalady.