Djeıms Harrıson 60 jyl boıy, ár úsh apta saıyn qan tapsyryp turady eken
Avstralıa turǵyny Djeıms Harrıson 13-ke tolǵan jyly ajal tyrnaǵyna iligedi. Oǵan der kezinde kúrdeli ota jasalyp, qan quıylyp, ólim aýzynan aman qalady.
Sol kezde oǵan baqandaı 13 lıtr qan quıylǵan eken. Árıne, ol tusta balanyń tiri qalǵanyna qýanǵandar qan máselesine pálendeı mán bermegen.
Djeıms kámeletke tolǵan kezde tolyq medısınalyq tekseristen ótpekke emhanaǵa keledi. Onyń qan quramyn teksergen dárigerler aýyzdaryn ashyp qalady. Bozbala qanynyń óte erekshe, erekshe bolǵanda da, onyń plazmasynda júkti áıel men ishtegi sharanaǵa aýadaı qajet óte sırek kezdesetin antıdene bar ekeni anyqtalǵan. Al bul antıdenesiz qursaqtaǵy bala anemıamen qosa sarǵaıyp ne óli týýy múmkin. Dáriger Djeımske osynyń bárin túsindiredi. Bárin únsiz tyńdap alǵan jas jigit dárigerge «Aıyna neshe ret qan tapsyryp turýyma bolady?» degen bir ǵana suraq qoıypty. Sol oqıǵadan beri 60 jyl boıy, ár úsh apta saıyn Djeıms Harrıson úıine jaqyn mańdaǵy emhanada qan tapsyryp turady eken. Ár barǵan saıyn 400 mıllılıtr plazma tapsyryp turatyn qarıa 60 jyldan astam ýaqytta 377 lıtr plazma tapsyrǵan.
Búginde qarıanyń esimi Gınnestiń rekordtar kitabyna engen. Onyń qanynan alynǵan antıdene búkil álemdegi shamamen 2 000 000-ǵa jýyq júkti áıelge quıylǵan. Ǵajap!