Túrkistan oblysynda Týrızm jáne sport mınıstrliginiń tapsyrysy boıynsha «Kazakh Tourism UK» AQ jáne Túrkistan oblysy ákimdiginiń qoldaýymen Travel fest kreatıvti týrızm salasyndaǵy birqatar mańyzdy is-shara serıasy uıymdastyryldy.
Kreatıvti týrızm salasyndaǵy is-sharalar tizbegin qorshaǵan ortany qorǵaý taqyrybyna arnalǵan «ego-dan eko-ǵa deıingi» ekologıalyq fotosýretter kórmesi ashyp berdi. Joba qatysýshylarynyń jumysy negizinen tabıǵatqa beı-jaı qaramaýdy nasıhattaıdy, dep habarlaıdy Almaty-akshamy.kz
Týrızm jáne sport mınıstrliginiń málimetinshe, Halyqaralyq týrızm jáne meımandostyq ýnıversıtetinde qundy dárister men semınarlar ótip, forým aıasynda uıymdastyrlǵan baıqaý jeńimpazdary marapattaldy.
Karavansaray týrısik kesheniniń aýmaǵynda otandyq óndirýshiler, dızaınerler, qolónershiler men zergerlerdiń qatysýymen «Made in KZ» festıvál-jármeńkesi kórshilik nazaryna usynyldy.
Sondaı-aq Karavansaray kesheni aýmaǵynda álemdegi iri qalalar ómiriniń ajyramas bóligine aınalǵan, ásirese eldiń kreatıv ındýstrıasynyń negizi sanalatyn Street Performance Fest is-sharasy ótti. Dál sol kúni Túrkistan qalasynyń turǵyndary men qonaqtary breaking, hip hop, all styles stılderi boıynsha bı festıvalin tamashalady.
İs-shara aıasynda Túrkistan oblysy boıynsha ekologıalyq avtotýr uıymdastyrylyp, oǵan Qazaqstan, Reseı, Ózbekstan jáne Qyrǵyzstannan kelgen kásibı avto saıahatshylar qatysty. Olar ońtústik óńirdegi Aqmeshit úńgirleri, Leńgir (Birkólik), Aqsý-Jabaǵyly, Qazyǵurt, Saryaǵash, sondaı-aq Arystan bab, Saýran, Qoja Ahmet Iassaýı, Kúltóbe sıaqty tabıǵı oryndary men tarıhı-mádenı kórikti jerlerimen tanysty.
Sondaı-aq Túrkistan qalasynyń Kongres-ortalyǵynda «Kazakhstan Creative Tourism Forum 2023» kreatıvti týrızm boıynsha aýqymdy forýmy uıymdastyryldy. Forýmnyń maqsaty – saıahatshylardyń jańa býynyn qalyptastyrý, týrısik uıymdardyń básekege qabilettiligin arttyrý, sondaı-aq Qazaqstanda kreatıvti klasterler men kreatıvti ındýstrıalar ortalyqtaryn qurý jáne damytý, elimizde týrızmniń barlyq túrin damytý jáne ilgeriletý maqsatynda sarapshylar qaýymdastyǵyn bir alańda jınaý.
«Prezıdenttiń kreatıvti ındýstrıany ár oblys ortalyǵynda damytý týraly tapsyrmasyna sáıkes Túrkistanda kreatıvti ındýstrıanyń úlken festıvali ótti. Bul baǵytty damytý memleket tarapynan talantty jastardy qoldaýda óte mańyzdy. Atalǵan is-sharalardyń negizgi maqsaty – óńirdegi ekonomıkalyq belsendilikti arttyrý jáne jańa jumys oryndaryn ashý», - dep atap ótti Týrızm jáne sport mınıstriniń orynbasary Erjan Erkinbaev.