Til qoǵamynyń jıyny bastaldy
Quryltaıda halyqaralyq «Qazaq tili» qoǵamynyń jańa prezıdenti saılanyp, uıymnyń jańa jarǵysy qabyldanbaq, dep habarlaıdy Almaty-akshamy.kz 24.kz-ke silteme jasap
Túrkistan qalasynda QR Memlekettik hatshysy Qyrymbek Kósherbaevns4 qatysýymen halyqaralyq «Qazaq tili» qoǵamynyń VI quryltaıy bastaldy. Aýqymdy sharaǵa, sondaı-aq Premer-Mınıstrdiń orynbasary Eraly Toǵjanov, Bilim jáne ǵylym mınıstri Asqat Aımaǵambetov jáne Parlament depýtattary qatysýda.
Shahardaǵy «Farab» kitaphanasynda ótip jatqan quryltaı, sondaı-aq elimizdiń barlyq óńirinen kelgen qoǵam qaıratkerleri men zıaly qaýym ókilderiniń, oblystar men qala basshylary bastaǵan delegattardyń basyn qosty. Jınalǵan qaýym aldynda Memlekettik hatshy Qyrymbek Kósherbaev baıandama jasap, keleli basqosýdyń mańyzdylyǵyna toqtaldy.
Jıynda sondaı-aq halyqaralyq «Qazaq tili» qoǵamynyń jańa prezıdenti saılanyp, uıymnyń jańa Jarǵysy qabyldanady dep kútilýde.
Ortalyq tekserý alqasynyń esebi tyńdalyp, Ortalyq keńesiniń jańa quramy tanystyrylmaq. Budan ózge qoǵamnyń jańa baǵdarlamasy men quryltaı qaýlysy qabyldanady dep kútilýde. Uıym jumysyna óz úlesterin qosyp júrgen birqatar azamattar da marapattalmaq.