Almatyda jasóspirim qyzdy tonap ketken er adam ustaldy
Almaty qalalyq Polısıa departamentiniń málimetinshe, kámeletke tolmaǵan qyzdyń anasy polısıaǵa aryz túsirgen, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, qyzy mektepten kele jatqanda belgisiz bireý onyń qolynan IRhone uıaly telefonyn tartyp alǵan. Polısıa qyzmetkerleriniń jedel áreketi nátıjesinde kúdikti qamaýǵa alyndy.
«Polısıaǵa jetkizilgen 28 jastaǵy kúdikti kinásin moıyndady. Aıǵaqty zat retinde telefon tárkilendi jáne ıesine qaıtaryldy. Ustalǵan azamat ýaqytsha ustaý ızolátoryna qamaldy. Atalǵan fakti boıynsha QR QK-niń 191-baby 1-bóligine sáıkes qylmystyq is qozǵaldy», – dedi Almaty qalalyq Polısıa departamenti Krımınaldyq polısıa basqarmasynyń bastyǵy Qýatbek Naýatov.
Qazir kúdiktiniń osyǵan uqsas buryn jasalǵan qylmystarǵa qatystylyǵy anyqtalyp jatyr.