Aptasyna 60 tonnaǵa deıin poshta jóneltilmek.
Qazaqstan Respýblıkasynyń halyqaralyq tranzıttik áleýetin damytý maqsatynda búgin «Qazposhta» Dúnıejúzilik poshta odaǵynyń júıesinde tirkelgen tranzıttik halyqaralyq poshta jóneltilimderin óńdeýdi júzege asyratyn Túrkistan qalasynda halyqaralyq poshta almasý – «Túrkistan» HPAO ornyn ashty, dep habarlaıdy Almaty-akshamy.kz
Gonkong pen Reseı Federasıasynyń taǵaıyndalǵan operatorlarymen kópjyldyq yntymaqtastyqty eskere otyryp, «Túrkistan» HPAO arqyly poshta jóneltilimderiniń qosymsha tranzıttik logıstıkasyn qamtamasyz etý josparlanyp otyr.
Osy joba aıasynda kompanıa qazaqstandyq logıstıkalyq kompanıasy –«Alpha Sky» JSHS-men Halyqaralyq tranzıttik poshta jáne júk jóneltilimderin tasymaldaý týraly memorandýmǵa qol qoıdy.
Poshta jóneltilimderiniń josparlanǵan kólemi – aptasyna 60 tonnaǵa deıin.
«Qazposhta» aksıonerlik qoǵamy – Qazaqstan Respýblıkasynyń Ulttyq poshta operatory óz qyzmetin Dúnıejúzilik poshta odaǵynyń aktilerine, Keden odaǵynyń Keden kodeksine, «Qazaqstan Respýblıkasyndaǵy keden isi týraly» QR Kodeksine, «Poshta týraly» QR Zańyna sáıkes halyqaralyq poshta baılanysy qyzmetterin usyna otyryp júzege asyrady.