Sábılerge Ardana, Eldana, Nurdana esimderi berildi
Túrkistan oblysy Saıram aýdany, Kólkent aýylynyń turǵyny Karıma Yrysdáýletova úsh qyzdy ómirge ákeldi, dep habarlaıdy Almaty-akshamy.kz QazAqparat-qa silteme jasap.
Bul 23 jastaǵy Karıma Yrysdáýletovanyń tuńǵysh sábıleri. Jas ana №2 oblystyq perınataldyq ortalyqta bosandy. Merzimine jetpeı tolǵaǵy bastalǵandyqtan bilikti dárigerlerdiń qatysýymen ota jasalyp, ol sátti ótti. Qazir jas ananyń jaǵdaıy jaqsy. Shaqalaqtardyń da densaýlyǵy qalypty. Qyzdarǵa Raıana, Razıa, Raıhana esimi berildi. Olar perınataldyq ortalyq dárigerleriniń baqylaýyna alynǵan. Aıta keteıik, bir apta buryn 26 jastaǵy saryaǵashtyq turǵyn úshemdi ómirge ákelgen bolatyn. Sábılerge Ardana, Eldana, Nurdana esimderi berildi.