Polıseıler jeke zattarǵa, múlikterge ıe bolýǵa, qaraýsyz qaldyrmaýǵa shaqyrady
Ordabasy aýdany PB kezekshi bólimine jergilikti turǵyn aryzdanyp kelgen. Onyń aıtýynsha, óziniń dúkeninen belgisiz bireý “Samsýng Galaksı” markaly uıaly telefonyn urlap ketken. Osylaısha jábirlenýshige 40 myń teńge shyǵyn keltirgen, dep habarlaıdy Almaty-akshamy.kz
Atalǵan derek QK 188-baby (Urlyq) qylmystyq quqyq buzýshylyǵy boıynsha tirkeldi. Polısıa qyzmetkerleri atalǵan habarlama boıynsha jedel izdestirý sharalaryna birden kiristi. Tártip saqshylary jan-jaqty tekserý jumystarynyń nátıjesinde urlyq jasady degen kúdikpen buryn sotty bolǵan, Almaty qalasynyń áıel turǵyny ustaldy. Qazirgi tańda kúdikti azamatsha qamaýǵa alynyp, tergeý amaldary júrgizilýde.
Belgili bolǵandaı, kúdikti áıel dúkenge kıim-keshek satyp alý maqsatynda kirgen. Sodan soń ústel ústinde turǵan uıaly telefondy kórip, ońaı oljaǵa kenelýdi oılaǵan. Atalǵan telefondy bildirtpesten alyp, oqıǵa ornynan boı tasalaǵan.
Sonymen qatar araǵa táýlik salyp, Ordabasy aýdanynda óziniń tanysymen birge turyp júrgen áıel tanysyn da san soqtyryp ketken. Iaǵnı ony dúkennen nan alyp kelemin dep aldap, sórede turǵan sómkesiniń ishindegi aqshalaryn qosa alyp ketken. Osylaısha Almaty qalasyna bet almaq bolǵan kúdikti áıeldi tártip saqshylary aýdan ortalyǵynyń birinen qolǵa túsirdi.
Óz kezeginde polıseıler turǵyndarǵa óz múlikterine ıe bolýdy, qaraýsyz qaldyrmaýdy eskertedi. Eger siz urlyqtyń qurbany nemese kýási bolsańyz, tez arada “102” nómiri arqyly polıseılerge habarlasyńyzdar.