Kúdikti İshki ister mınıstrliginiń esebinde turǵan.
Túrkistan oblysynda buryn birneshe ret sottalǵan jat aǵymnyń ókili ustaldy, dep habarlaıdy Almaty-akshamy.kz
Bul týraly Túrkistan oblysynyń polısıa departamenti habarlady.
Polısıa departamenti bastyǵynyń orynbasary Qurmanbek Sahovtyń aıtýynsha, PD ekstremızmge qarsy is-qımyl basqarmasynyń qyzmetkerleri men Ulttyq qaýipsizdik komıteti birigip, jedel-izdestirý is-sharasy kezinde destrýktıvti dinı aǵymnyń jaqtaýshysy, Jetisaı aýdanynyń turǵynyn anyqtap, ustaǵan.
«Buryn birneshe ret sottalǵan 58 jastaǵy er adam messendjerde chat quryp, onda radıkaldy ýaǵyzshylardyń beınematerıaldaryn jarıalap, tyıym salynǵan destrýktıvti dinı aǵym ıdeologıasyn nasıhattaıtyn habarlamalar jarıalaǵan», dedi ol.
Jedel ýákilder İİO esebinde turǵan kúdiktini Jetisaı qalasynan ustap, ýaqytsha ustaý ızolátoryna qamaýǵa aldy. Qylmystyq is qozǵaldy. Tıisti saraptamalar taǵaıyndaldy.
Qazir kúdiktiniń turǵylyqty jeri boıynsha tergeý júrgizilip jatyr. Oqıǵanyń tolyq mán-jaıy endi anyqtalady.