Qasym-Jomart Toqaev pen Rejep Taııp Erdoǵan telefon arqyly sóılesti. Memleketter basshylary birin-biri Oraza aıt merekesimen quttyqtap, Qazaqstan men Túrkıa halyqtaryna baq-bereke tiledi.
Sonymen qatar Qasym-Jomart Toqaev elimizdiń birqatar óńirindegi sý tasqyny saldarynan qalyptasqan kúrdeli ahýalǵa baılanysty qoldaý kórsetkeni úshin Rejep Taııp Erdoǵanǵa alǵys aıtty, dep habarlaıdy Almaty-akshamy.kz Aqordanyń resmı saıtyna silteme jasap.
Qazaqstan Prezıdenti Túrkıa Respýblıkasymen baýyrlastyq qatynasty, sondaı-aq eki el halyqtary arasyndaǵy turaqty yntymaqtastyq pen ózara tileýlestikti joǵary baǵalaıtynyn málimdedi.
Áńgimelesý barysynda prezıdentter eki el arasyndaǵy strategıalyq seriktestikti odan ári nyǵaıtý máselesin talqylap, aldaǵy ýaqytqa josparlanǵan kezdesýler kestesin qarastyrdy.