«Túrkistan – Túrki dúnıesiniń rýhanı astanasy» atty jıyn ótti
Bul - Túrkistannyń tek Qazaqstan emes, Orta Azıanyń iri týrısik ortalyǵyna aınalýyna septigin tıgizedi. Jan-jaqty damyp kele jatqan Túrkistanǵa túrkıalyq týrızm kompanıalary da ınvestısıa quıýǵa múddeli, dep habarlaıdy Almaty-akshamy.kz
Ystambul qalasynda Qazaqstan elshiligi men Túrkistan oblysy ákimdigi uıymdastyrǵan «Túrkistan – Túrki dúnıesiniń rýhanı astanasy» atty jıynda eki eldiń týrızm baǵytyndaǵy kásipkerleri bas qosty. Buǵan deıin de "Túrkistan" halyqaralyq áýejaıy, "Kerýen saraı" týrısik kesheni sıaqty iri jobalarǵa ınvestısıa quıǵan túrkıalyq kompanıalar osy baǵyttaǵy jumystaryn jalǵastyrmaq nıette. Forýmǵa jınalǵandarǵa Túrkistannyń týrızm áleýeti tanystyrylyp, elimizde ınvestorlarǵa jasalyp otyrǵan qolaıly klımat jaıly jan-jaqty maǵulmat berildi.
«Túrkistannyń jyl ótken saıyn túrlenip, damyp kele jatqanyn baıqap otyrmyz. Kásipker retinde baýyrlas elde jumys isteý biz úshin de qolaıly. Qazaqstannyń týrızm áleýeti óte joǵary. Osy baǵytta áriptestik ornatý úshin birneshe kompanıamen kelissózder júrgizip jatyrmyz. Aldaǵy kúnderi Túrkistanǵa baryp, naqty josparlar qurýǵa nıettimiz», - deıdi túrkıalyq kásipker Aıshen Túrkmen.
«Bizdiń maqsatymyz - túrki álemindegi ózimizdiń baýyrlas elderge saıahat jasaı otyryp, osy eldiń týrısik kompanıalarymen jáne ınvestorlarmen kezdesý arqyly bolashaqta Túrkistan qalasynda týrıser sanyn artyrýy maqsatynda kelip otyrmyz. Birneshe kompanıalar kelip jatyr, bizdiń taraptan da áýe kompanıalardyń ókilderi, týrısik kompanıalardyń ókilderi kelip otyr. Bunyń barlyǵy osy týrısik kompanıalarmen kelisim-shartqa otyryp, túrkıalyq týrıserdi Túrkistan óńirine tartady degen nıettemiz», - deıdi Túrkistan oblysy týrızm basqarmasynyń bólim basshysy Nurdáýlet Medeýov.