Saryshaıannan zardap shekkenderge medısınalyq kómek kórsetildi
Atyraý qalasynda saryshaıan shaqqan 23 adam "jedel járdem" qyzmetine júgingen, dep habarlaıdy Almaty-akshamy.kz QazAqparatqa silteme jasap.
Oblystyq densaýlyq saqtaý basqarmasy baspasóz qyzmetiniń málimetine súıensek, qazan aıy bastalǵaly beri 103 qyzmetine 23 shaqyrtý túsken.
«Jedel járdemge 1-19 qazan aralyǵynda Atyraý qalasyndaǵy shaǵyn aýdandarda jeke úılerde turatyn turǵyndar shaǵymdanǵan. Saryshaıannan zardap shekkenderge "jedel járdem" brıgadasy alǵashqy medısınalyq kómek kórsetildi. Shaǵymdanýshynyń jaǵdaıyna baılanysty stasıonarlarlyq emdeýge jatqyzý júrgiziledi. Ádette, mundaı jándikten zardap shekkender dárigerlerdiń ambýlatorlyq baqylaýynda bolady», - dep habarlady basqarmanyń baspasóz qyzmeti.
Qazir oblystyq balalar aýrýhanasy men oblystyq aýrýhanaǵa saryshaıandar shaqqan naýqastar túspegen. Eske sala ketelik, budan buryn Atyraýda jeke úılerdiń aýlasyn saryshaıan qaptaǵan bolatyn.