Bul týraly qoǵam belsendisi Býrahan Dakanov Feısbýk paraqshasynda halyqtan súıinshi surap habarlady.
Qoǵam belsendisi qandastardyń jergilikti halyq arasyna sińisip ketýine qatysty usynys aıtty, dep habarlaıdy Almaty-akshamy.kz Almaty arnasyna silteme jasap.
«Súıinshi, aǵaıyn! Atamekenge sonaý Túrikmenstannan elin, jerin ańsaǵan 265 qazaq kele jatyr. Súıinshi!!! Kóbeıip kelemiz, tipá-tipá. Barynsha taratyp jiberińiz. Bar qazaq kórsin! Qýansyn!» - dep jazdy qoǵam belsendisi.
Býrahan Dakanov elimizge oralyp jatqan qandastardy endi aman-esen kútip alyp, olardyń jergilikti halyq arasyna sińisip ketýi máselesine qatysty usynysyn aıtty.
«Kóp aǵaıyndar bul kisilerdi soltústikke kóshirý kerek dep jatyr. Burynnan beri aıtyp júrgendeı, bul aǵaıyndardy teriskeıge ákelip, jersindirý úshin arnaıy adaptasıalyq ortalyq kerek. Áıtpese, azdap qınalyp qalady. Soltústikke kóshti qoldasańyz, maǵan dostyq jiberińiz. Teriskeı aýyldaryn adamǵa, dalasyn malǵa el bop, jer bop, tize qosyp birge toltyraıyq», - deıdi B.Dakanov.