Aıta ketsek, Qazaqstanda 2019-2021 jyldary 94 696 oryndyq 287 jekemenshik mektep ashyldy, onyń ishinde Almatyda – 41 oqý orny.
QR BǴM «Qarjy ortalyǵy» AQ İlgeriletý jáne syrtqy komýnıkasıalar departamentiniń dırektory Alpamys Satybaldın Almaty qalasynyń óńirlik komýnıkasıalar qyzmetiniń baspasóz konferensıasy barysynda jeke menshik mektepterdi salý nelikten tıimdi ekenin aıtty, dep habarlaıdy Almaty-akshamy.kz
Spıker atap ótkendeı, elimizdegi oqýshylar sany jyl saıyn artyp keledi, sondyqtan orta bilim berý salasyndaǵy mańyzdy mindetterdiń biri tolyp ketken memlekettik mektepterdiń júktemesin azaıtý, sondaı-aq bilim berý sapasyn arttyrý jolynda mektepter arasynda salaýatty básekelestikti damytý bolyp tabylady. Aıta ketsek, Qazaqstanda 2019-2021 jyldary 94 696 oryndyq 287 jekemenshik mektep ashyldy, onyń ishinde Almatyda – 41.
Alpamys Satybaldınniń aıtýynsha, 2018 jyldan bastap jeke menshik bilim berý uıymdarynda orta bilim berýge memlekettik bilim berý tapsyrysyn ornalastyrý múmkindigi zańdy túrde bekitildi. Jeke menshik mektepter úshin jan basyna shaqqandaǵy qarjylandyrý ádistemesimen jan basyna shaqqandaǵy normatıv aıqyndaldy.
Ádistemege sáıkes, jan basyna shaqqandaǵy normatıvtiń mólsheri eki komponentten turady:
- memlekettik jalpyǵa mindetti bilim berý standartyn (MJMBS) iske asyrýǵa arnalǵan operasıalyq shyǵystar. Jańadan iske qosylatyn jekemenshik mektepter úshin aǵymdaǵy jylǵa normatıv orta eseppen 532 myń teńgeni quraıdy;
- jylyna jańadan engizilgen árbir oqýshy orny úshin ǵımarattyń amortızasıasyna arnalǵan shyǵystar:
* qurylys kezinde – 96 AEK (294 myń teńge),
* rekonstrýksıa kezinde – 47 AEK (143 myń teńge).
Qarjy ortalyǵynyń ókili qazirgi ýaqytta «Damý» kásipkerlikti damytý qory arqyly jataqhanalardy da, jekemenshik mektepterdi de salý jáne rekonstrýksıalaý boıynsha banktik qaryzdardy sýbsıdıalaý tetigi jumys istep turǵanyn habarlady.
Sonymen qatar, ınvestordyń balanyń mektepte bolýynyń jaqsartylǵan jaǵdaılaryn usynǵany úshin ata-ana tólemaqysyn alýǵa quqyǵy bar. Memleketten tóleý merzimi ótkennen keıin obekt qurylys salýshynyń menshiginde qalady. Obektiniń nysanaly maqsatyn ózgertýge aýyrtpalyqty 20 jyl merzimge tirkeý jalǵyz shart bolady.