«Medeý» tabıǵı saıabaǵy aýmaǵynan jer telimderin zańsyz shyǵaryp berý faktileri áshkerelendi
Almatydaǵy «Medeý» tabıǵı saıabaǵy aýmaǵynda 45 gektar jer zańsyz berilgen. Bul týraly Bas prokýror Berik Asylov Májilis depýtattarynyń saýalyna joldaǵan jaýabynda málim etti, dep habarlaıdy Almaty-akshamy.kz QazAqparatqa silteme jasap.
«Túrkıadaǵy oqıǵalardyń bederinde Almaty qalasy prokýrorynyń qarsylyǵy boıynsha taýly aýmaqta ornalasqan 120 telimdegi (250 gektar) zańsyz qurylystyń aldy alyndy», - delingen jaýapta.
Bas prokýrordyń anyqtama retinde bergen málimeti boıynsha, "Qarǵaly" shaǵynaýdanyndaǵy jalpy aýdany 136 gektar bolatyn 103 jer ýchaskesinde, Býtakovka aýdanyndaǵy jalpy aýdany 44 gektar bolatyn 11 ýchaskede, Observatorıa kóshesindegi aýmaǵy 4 gektar bolatyn 6 ýchaskede qurylys toqtatylǵan.
«Sondaı-aq «Medeý» tabıǵı saıabaǵynyń aýmaǵynan úshinshi tulǵalarǵa 45 gektar bolatyn jer telimderin zańsyz shyǵaryp berý faktileri áshkerelendi. Bul zańsyzdyqtar boıynsha Almaty qalasy prokýratýrasy jer paıdalanýǵa berilgen qujattardyń kúshin joıý týraly 10 talap-aryz engizdi», - dep jazady Berik Asylov.