“Qorqyt Ata” kınofestıvali óz máresine jetti
Túrkıanyń Býrsa qalasynda ótken bul dodada qazaqstandyqtardyń da asyǵy alshysynan túsip, úsh birdeı júldege qol jetkizdi, dep habarlaıdy Almaty-akshamy.kz «Habar 24» telearnasyna silteme jasap.
Túrki dúnıesiniń mádenı astanasynda “Qorqyt Ata” syılyǵy tabystaldy. Osymen ekinshi márte ótken jıynda túrki tildes elder arasynda kınoındýstrıanyń úzdik akterleri marapattalyp, týyndylary báıge aldy.
«Jahandaný- qundylyqtardan ajyraý emes, kerisinshe ony jandandyrý. Ámbebaptylyǵymyzben qundymyz. Basqalarǵa uqsamaı, olarǵa úlgi bolý qajet. Aǵashtyń tamyry jerge neǵurlym tereńdegen saıyn, onyń taralar aýmaǵy keńeıip, bıiktigi men syrt pishini ulǵaıyp, butaqtarynyń kóleńkesi keńeıetinin umytpaıyq. Osy turǵydan, “Qorqyt Atanyń” bizge mura etken qundylyǵynyń mańyzy zor», - deıdi Túrkıanyń mádenıet jáne týrızm mınıstri Mehmet Nýrı Ersoı.
Bes kún boıy kórermen jan-jaqtan kelgen jaýhar dúnıelerdi tamashalady. 17 eldiń maıtalmandary arasynan otandyq úsh týyndymyz júldege ilikti. Qazaqstannyń eńbek sińirgen qaıratkeri, prodúser Qanat Tórebaı Túrki mádenıetine qosqan úlesi úshin marapattaldy