Qylmystyq is «óte qupıa» belgisimen tergelgen jáne sotta da osy tártipte qaralady
Bas prokýratýra Ulttyq qaýipsizdik komıtetiniń burynǵy basshylaryna qatysty qylmystyq isti zerdeleý nátıjesi boıynsha tergeý organynyń aıyptaý aktisin bekitti, dep habarlaıdy Almaty-akshamy.kz QazAqparatqa silteme jasap.
Qylmystyq is Astana qalasynyń qylmystyq ister jónindegi mamandandyrylǵan aýdanaralyq sotyna joldandy.
Aıyptalýshylar K.Q. Másimov (UQK burynǵy tóraǵasy) jáne A.T. Sadyqulov (UQK tóraǵasynyń burynǵy orynbasary) memleketke opasyzdyq jasaý (QK 175-babynyń 1-bóligi), bılikti kúshpen basyp alý (QK 179-babynyń 3-bóligi), aýyr zardaptarǵa ákep soqqan bılik pen laýazymdyq ókilettigin ózine jáne basqalarǵa paıda men artyqshylyqtar alý maqsatynda asyra paıdalaný (QK 362-baby 4-bóliginiń 3-tarmaǵy) týraly baptar boıynsha sotqa berildi.
D.E. Erǵojın (UQK tóraǵasynyń burynǵy orynbasary) bılikti kúshpen basyp alǵany (QK 179-babynyń 3-bóligi), aýyr zardaptarǵa ákep soqtyrǵan bılik pen laýazymdyq ókilettikterdi ózine jáne basqalarǵa paıda men artyqshylyqtar alý maqsatynda asyra paıdalanǵany úshin aıyptalýda (QK 362-baby 4-bóliginiń 3-tarmaǵy).
M.S. Osıpovke (UQK tóraǵasynyń burynǵy orynbasary), D.M. Akıpovqa (UQK departament bastyǵynyń burynǵy orynbasary) jáne N.K. Bekmýratqa (UQK-nyń burynǵy basqarma bastyǵy) Qylmystyq kodekstiń 362-babynyń ártúrli bólikteri boıynsha aıyp taǵylǵan.
Qylmystyq is «óte qupıa» belgisimen tergelgen jáne sotta da osy tártipte qaralady.