Bul týraly Túrkıa Prezıdenti Rejep Taıyp Erdoǵan málimdedi.
Túrkıanyń ońtústigindegi orman órtine qatysty kúdikti ustaldy. Alapat órtke «Kúrdistannyń jumysshylar partıasynyń» qatysy da bolýy múmkin. Bul týraly Túrkıa Prezıdenti Rejep Taıyp Erdoǵan málimdedi, dep habarlaıdy Almaty-akshamy.kz Almaty.tv saıtyna silteme jasap.
«Mılastaǵy órtke baılanysty bir adam ustaldy. Osyǵan deıin aıtyp kelgenimdeı, terrorlyq uıym basshylarynyń ormandardy órteý týraly tapsyrmalarynan keıin qyzyl jalyn sharpyǵan alqaptardyń aýmaǵy 2 esege artyp ketti. Aldynda bolǵan órttiń keıbiri dál osyndaı buıryqpen jasalǵan bolýy múmkin. Sondyqtan biz kinálilerdi meılinshe tezirek anyqtap, tıisti jazasyn berýimiz qajet»,– dedi Túrkıa Prezıdenti Pejep Taıyp Erdoǵan.
Esterińizge sala keteıik, shildeniń 28-sinde Antalıanyń Manavgat aýdanynda órt shyǵyp, keıin ol basqa aýdandarǵa tarap ketken edi. Osyǵan baılanysty órtten zardap shekken óńirler apat aımaǵy dep jarıalandy. Búginge deıin órt oshaqtarynyń basym bóligi sóndirildi.