Túrkıanyń Alanıa aýmaǵynda bolǵan jol apatynan eki qazaqstandyq jaraqat aldy, olarǵa ota jasaldy, dep habarlaıdy Almaty-akshamy.kz
Bul týraly QR Syrtqy ister mınıstrligi málimdedi.
Oqıǵanyń barlyq mán-jaıyn anyqtaý úshin QR konsýly Alanıaǵa barǵan bolatyn.
«30 shilde kúni tańerteń Alanıada Qazaqstannyń 12 azamatyn tasymaldaǵan shaǵyn avtobýstyń jol-kólik oqıǵasyna ushyrady. Túrik polısıasynan alynǵan aldyn-ala málimet boıynsha, avtobýs júrgizýshisi joǵary jyldamdyqpen aldyndaǵy júk kóligin soqqan. Soqtyǵysý saldarynan zardap shekkender bar, olar shuǵyl túrde jaqyn mańdaǵy aýrýhanalarǵa jetkizildi», - delingen mınıstrlik habarlamasynda.
Azamattarymyzdyń jaı-kúıin anyqtaý úshin qazaqstandyq konsýl dereý Alanıaǵa baryp, medısınalyq mekemelerge baryp, zardap shekken otandastarmen kezdesti.
«Mıkroavtobýsta bolǵan 12 qazaqstandyqtyń ekeýi aýyrlyǵy ortasha jaraqat alǵan. Olarǵa ota jasalyp, barlyq qajetti medısınalyq kómek kórsetiledi. Qalǵan 10 otandastyń, onyń ishinde 4 balanyń jaǵdaıy qanaǵattanarlyq, ómirine esh qaýip joq. Barlyǵynyń medısınalyq saqtandyrýy bar. Antalıadaǵy qazaqstandyq dıplomattar bizdiń azamattarmen turaqty baılanysta jáne tıisti jumys júrgizýde», - deıdi Syrtqy ister mınıstrligi.
Eske salaıyq,túrkıalyq BAQ-tyń habarlaýynsha, qazaqstandyq týrıserdi tasymaldaǵan mıkroavtobýs Alanıadaǵy Okurcalar Mahallesi D-400 trassasynda júk kóligine soqtyǵysqan. Saldarynan kólik júrgizýshi men gıd (Ýkraına azmaty) oqıǵa ornynda kóz jumdy.
Apat ornyna polısıa men medısına brıgadalary dereý jiberilgen. Kólikte bolǵan 12 týrısiń altaýy aýyr jaraqatpen jergilikti aýrýhanalarǵa jetkizildi.