Toksıkolog dáriger Mıhaıl Kýtýshov qannyń uıýyna ákelip soqtyratyn ónimderdiń tizimin aıtty.
Bul ónimderge maıly et, ystalǵan et, kartop, banan, sonymen qatar K dárýmeni kóp taǵamdar jatady. Sonymen qatar bizdiń elde kóp kezdese bermeıtin shpınat, aqjelken, shveısarıalyq bordy, sý kresi, Brússel óskinderi bar, dep habarlaıdy Almaty-akshamy.kz
«Qant - sýsynda da, taǵamda da bolady. Ony tutynýdy doǵarý kerek. Joǵaryda atalǵan ónimderdiń massasynda qanttyń jasyryn túrde bolatynyn eskerý kerek. Sondyqtan árbir tutynǵan ónimderdiń quramyna jiti nazar aýdaryp, kompozısıadaǵy ártúrli "sıroptarǵa" nazar aýdara otyryp, japsyrmalardy muqıat oqyp shyǵý kerek. Sebebi qanttyń áserinen qandaǵy glúkoza deńgeıi joǵarylaıdy jáne lıpıdti qosylystardyń óndirisi artady», - dedi dáriger.
Aqýyzdar men amınqyshqyldarynyń jetispeýshiligimen qan qoıýlana bastaıdy. Sondyqtan etti múldem jemeı qalýǵa bolmaıdy. Arnaıy dıeta ustap júrip jeý kerek. Biraqta bul eń aldymen maısyz sorttar, ıaǵnı kúrketaýyq nemese taýyq etine qatysty. Sondaı-aq balyq, sút jáne jumyrtqany da aragidik jep turý mańyzdy.
Sonymen qatar, siz jalpy as qorytý júıesin baqylaýyńyz kerek. Sebebi durys tamaqtanbaý aǵzadaǵy sý balansyn buzyp, qandy qoıýlatady.
«As qorytý organdary qajetti fermentterdiń jetkiliksiz óndirilýine baılanysty aǵza qyshqyldanyp, qan qoıýlanady», - dep naqtylady maman.
Dáriger qannyń qoıýlanýy varıkozdy tamyrlardyń, tromboflebıttiń, sondaı-aq júrek-qan tamyrlary aýrýlarynyń ınfarkt qaýpimen tikeleı baılanysty ekenin atap ótti.