Jer silkinisiniń qaıtalanýynan qaýiptengen Túrkıa bıligi turǵyndardy úılerine qaıtpaýǵa shaqyrdy
Túrkıadaǵy jer silkinisinen qurban bolǵandar sany 1014 adamǵa jetti, dep habarlaıdy Almaty-akshamy.kz QazAqparat agenttigine silteme jasap.
Atalǵan málimetterdi Túrkıanyń Tótenshe jaǵdaılardyń aldyn alý men joıý basqarmasy jarıalaǵan.
Túrkıanyń ońtústik-shyǵysyndaǵy Kahramanmarash provınsıasynda ornalasqan zilzala qurbandarynyń sany myńnan asty, keminde 7 myń adam jaraqat aldy.
Túrkıanyń Tótenshe jaǵdaılardyń aldyn alý men joıý basqarmasynyń málimetinshe, Kahramanmarash, Kılıs, Dıarbakyr, Adana, Osmanıe, Gazıantep, Shanlyýrfa, Adıaman, Malatıa jáne Hataı provınsıalarynda 2824 ǵımarat qıraǵan.
Jer silkinisiniń qaıtalanýynan qaýiptengen Túrkıa bıligi turǵyndardy úılerine qaıtpaýǵa shaqyrdy.
Memleket basshysy Qasym-Jomart Toqaev Túrkıa Prezıdenti Rejep Taııp Erdoǵanǵa kóńil aıtty jáne Úkimetke Túrkıaǵa shuǵyl kómek kórsetýdi tapsyrdy.
SİM málimeti boıynsha, qazirgi sátke deıin onda Qazaqstan azamattary zardap shekti degen aqparat kelip túsken joq.