Túrkıadaǵy jer silkinisi kezinde qaza tapqan Ádil men Mırbolattyń múrdesi 11 aqpanda elge jetkiziledi.
Bul týraly Syrtqy ister mınıstrliginiń resmı ókili Aıbek Smadıarov aıtty, dep habarlaıdy Almaty-akshamy.kz QazAqparatqa silteme jasap
«Túrkıadaǵy jer silkinisi saldarynan mert bolǵan Ádil Qadyrbekov pen Mırbolat Qurmashevtyń múrdesi 11 aqpanda elimizge jetkiziledi», - dedi Aıbek Smadıarov BAQ ókilderine arnalǵan baspasóz máslıhatynda.
Esterińizge sala ketsek, Túrkıanyń Hataı provınsıasyna qarasty Antaká qalasynda júrgizilgen izdeý jumystarynyń barysynda 9 aqpan kúni tańǵy saǵat 9-da úıindiler astynan eki adamnyń máıiti tabyldy. Onyń bireýi túrkıalyq Qubylaı Keskın bolyp shyqty. Ekinshi múrde - Ádil Qadyrbekovtiki. Ony marqumnyń týystary rastady.
Al búgin Mırbolat Qurmashevtiń denesin qutqarýshylar úıindi astynan alyp shyqqany belgili boldy.