Tarıh ǵylymdarynyń doktory Mustafa Demırjı Qazaq ulttyq qyzdar pedagogıkalyq ýnıversıtetinde sabaq berý úshin Koná qalasynan arnaıy baǵdarlamamen keldi.
Túrkıanyń top 10 ýnıversıtetteriniń qataryna kiretin Seldjýk ýnıversıtetiniń profesory tarıh kafedrasynyń stýdentterine «Órkenıetter tarıhy», «Islam órkenıetin zertteýdegi negizgi máseleler», «Túrkistandaǵy saıası jaǵdaı jáne musylmandardyń Orta Azıany jaýlap alýy» sekildi ózekti, ári qyzyqty taqyryptar boıynsha semınarlar oqyp júr. Dárister tek aǵylshyn tilinde ótedi. Dese de profesor stýdenttermen sóılesý barysynda qazaq tilin unatyp, ony qyzyǵýshylyqpen úırenýdi bastap ketti, dep habarlaıdy Almaty-akshamy.kz QR Ǵylym jáne joǵary bilim mınıstrligine silteme jasap.
Aıta keteıik, Mustafa Demırjı arab, aǵylshyn jáne fransýz, parsy tilderinde erkin sóıleıdi. Túrkıanyń tanymal profesory Qazaq ulttyq qyzdar pedagogıkalyq ýnıversıtetine kelgen kúnnen bastap bir aı ishinde qazaq tilinde taza sóıleýdi aldyna maqsat etip qoıdy.
Sondaı-aq tarıh ǵylymyn zertteýde 28 jyldyq tájirıbesi profesor Qazaq ulttyq qyzdar pedagogıkalyq ýnıversıtetinde jumysy barysynda profesorlyq-oqytýshy qurammen birlesken halyqaralyq jobalardy jasaý jaǵyn da qarastyrady.