Keı taýarlar bir jylda 94 prosentke ósken
Túrkıada jyldyq ınflásıa 78 prosentke jetti, dep habarlaıdy Almaty-akshamy.kz «Habar 24»-ke silteme jasap. Bul 1998 jyldan beri bolmaǵan jaǵdaı. Azyq-túlik, janarmaı jáne elektr energıasy qymbattap jatyr. Túrkıa statısıka ınstıtýtynyń málimetine qaraǵanda, azyq-túlik pen spırtsiz ishimdik quny sońǵy bir jylda 94 prosentke ósken. Al jıhaz ben turmystyq tehnıka 81 prosentke kóterilgen. Eldiń ulttyq valútasy lıra qunsyzdandy. Ýkraınadaǵy ahýal jaǵdaıdy tipti ýshyqtyryp jibergen.
– Qymbatshylyqty sezine bastadyq. Qazir bir zat satyp alý úshin 4-5 ret oılanatyn boldym. Baıaǵyda tańdaǵan zatymdy alyp, qalaǵan jerime baratyn edim. Endi kóp aqyldasatyn boldym.
– Inflsıanyń sharyqtaýy meniń kásibime keri áserin tıgizdi. Bıyl taýarymnyń 20 prosentin sata almaıtyn sıaqtymyn. Janarmaı men elektr energıasynyń qymbattaýynan bıznesim aqsap tur.