Bul - jer sharyndaǵy halyqtyń 10 paıyzy
Adamzat 2030 jylǵa qaraı ashtyqtan qutylamyz degen maqsatynan alshaqtap barady. BUU sarapshylary osyndaı qorytyndy jasady, sebebi byltyr álemde 830 mıllıonǵa jýyq adam azyqpen jetkilikti qamtylmaǵan, bul - jer sharyndaǵy halyqtyń 10 paıyzy, dep habarlaıdy Almaty-akshamy.kz QazAqparat-qa silteme jasap.
Euronews agenttiginiń málimetinshe, 2020 jylmen salystyrǵanda ashtyqqa ushyraǵandar sany 46 mıllıonǵa artty. Jalpy, pandemıa bastalǵannan beri azyq-túlik jetispeýshiliginen zardap shekkender sany 150 mıllıonǵa ósken.
«Biz kedeıshiliktiń shegine jetip qalǵanyn kórip otyrmyz, onymen kúresý úshin ondaǵan jyldar boıy júrgizilgen kúsh-jiger bosqa ketti. Álemde baılar men kedeıler arasyndaǵy alshaqtyq ulǵaıyp barady. Erekshe alańdaýshylyq týdyratyn jaıt - adamdardyń qalypty tamaqtanýǵa múmkindigi joqtyǵy», - dedi Azyq-túlik jáne aýyl sharýashylyǵy uıymynyń (FAO) bas ekonomısi Maksımo Torero.
Azyq-túliktiń jetispeýshiligi Azıa, Afrıka, Latyn Amerıkasy jáne Karıb baseıninde baıqaldy. Qazir álemde jaǵdaı kúrt nasharlady. Eger ózgeris bolmasa, 2030 jyly 670 mıllıon adam ashtyqqa ushyraıdy, bul - shamamen 2015 jylǵy kórsetkishpen teń.