Buǵan deıin eldegi joıqyn jer silkinisine baılanysty saılaý merzimi ózgerýi múmkin ekeni aıtylǵan
Túrkıa Prezıdenti Taııp Erdoǵan 14 mamyrda elde prezıdenttik jáne parlamenttik saılaý ótetinin rastady, dep habarlaıdy Almaty-akshamy.kz Zakon.kz-ke silteme jasap.
Túrkıa Prezıdenti Parlamentte sóılegen sózinde saılaý ótetin kúndi naqtylady.
"14 mamyrda bizdiń halyq talap etiletin mindetin oryndaıdy – saılaýda daýys beredi", - dedi Taııp Erdoǵan.
Buǵan deıin eldegi joıqyn jer silkinisine baılanysty saılaý merzimi ózgerýi múmkin ekeni aıtylǵan edi.
Túrkıada 6 aqpanda bolǵan tabıǵı apat 14 mıllıon túrik azamatyna tikeleı áser etti.
Túrkıadaǵy jer silkinisinen qaza tapqandar sany sońǵy málimetter boıynsha 45 089-ǵa jetti.
6 aqpanda Túrkıa men Sırıada kúshti jer silkinisi boldy. 27 aqpanda Túrkıada magnıtýdasy 5,6 bolǵan taǵy bir jerasty dúmpýi tirkeldi. Bul joly qıraǵaly turǵan 29 ǵımarat qulady. Dúısenbi kúni keshke jaralanǵandar sany 110-ǵa jetti, bir adam qaıtys boldy. Úıindi astynan 32 adam qutqaryldy.