Prezıdent saılaýyna úsh kandıdat qatysady.
Túrkıada 14 mamyr, jeksenbide 28-shi shaqyrylymdaǵy parlament jáne prezıdent saılaýy ótip jatyr, dep habarlaıdy Almaty-akshamy.kz Anadolýǵa silteme jasap.
Saılaý ýchaskeleri tańǵy 8:00-de ashylyp, jergilikti ýaqyt boıynsha 17:00-de jabylady.
Elde barlyǵy 191 885 daýys berý jáshigi ornatyldy.
Túrkıada jáne shetelde 64,1 mıllıonnan astam saılaýshy daýys beredi. 4,9 mıllıonǵa jýyq adam birinshi ret daýys berip jatyr.
Saılaýshylar jeke basyn kýálandyratyn resmı qujattardyń birimen daýys bere alady.
Saılaýshylarǵa 2 búleten beriledi: prezıdent pen depýtattar úshin. Saılaýshylar eki bólek búletendi bir konvertke salyp, daýys berý jáshigine salýy tıis.
Túrkıa OSK aqpan aıyndaǵy jer silkinisinen zardap shekken 11 provınsıada daýys berý úshin qajetti sharalar qabyldady. Bul aımaqtarda daýys berý jáshikteri arnaıy konteınerler men mektepterde ornatylǵan.
Sheteldik ýchaskelerde daýys berýge 3,4 mıllıonnan astam adam qatysty. Olar úshin 73 elde jáne 156 sheteldik ókildikte saılaý komısıalary quryldy. Túrkıanyń sheteldik ókildikterinde daýys berý prosesi 9 mamyrda aıaqtaldy.
Túrkıadaǵy prezıdent saılaýyna úsh kandıdat qatysady - qazirgi memleket basshysy Rejep Taıyp Erdoǵan, opozısıalyq Halyqtyq-respýblıkalyq partıanyń jetekshisi Kemal Kylychdaroglý jáne «Aláns ATA» blogynyń kandıdaty Sınan Ogan.
Saılaýǵa qatysý úshin 24 saıası partıa jáne 151 táýelsiz kandıdat tirkelgen.
Eger úmitkerlerdiń eshqaısysy birinshi týrda absolútti kópshilik daýysqa ıe bolmasa, 28 mamyrda ekinshi týr ótedi.