Búgin Qazaqstan quramasy Chehıa komandasymen oınaıdy.
Qazaqstandyq jankúıerler el quramasyna qoldaý kórsetý maqsatynda Rıgada ótip jatqan hokeıden ÁCH-2023-te úlken týdy jaıdy, dep habarlaıdy Almaty-akshamy.kz.
Búgin, ıaǵnı, 14 mamyrda, Qazaqstan quramasy hokeıden álem chempıonatynda Chehıa komandasymen oınaıdy. Machty tikeleı efırden «Qazsport» arnasy Astana ýaqytymen 23:20-da kórsetedi.
Jankúıerler komandany qoldaýǵa kelip, ózderimen birge 800 sharshy metrlik Qazaqstan týyn ákelgen.
«Qazaqstan – álemdegi eń úlken elderdiń biri. Mádenıeti de baı. Biz mýltımádenıetti elmiz jáne ony búkil álemge kórsetkimiz keledi. Ózimizdegi Qazaqstannyń eń úlken týyn jaıyp, ulttyq qurama men onyń jankúıerlerin qoldamaqshymyz», - dedi uıymdastyrýshy Dýman Qojahmet.
Senbide Qazaqstan quramasy hokeıden álem chempıonatynda birinshi mach ótkizip, Norvegıany jeńdi.