Rejep Taıyp Erdoǵan jarylys ornyna barady dep josparlanǵan
Túrkıanyń soltústik bóligindegi kómir shahtasynda jarylys kezinde qaza tapqandar sany 40-qa deıin ósti. Bul týraly Túrkıanyń ishki ister mınıstri Súleıman Soılý málimdedi, dep habarlaıdy Almaty-akshamy.kz
«Ókinishke qaraı, qaza tapqandar sany 40-qa jetti», - dedi Soılý.
Azattyq rýhy saıtynyń málimetinshe, buǵan deıin jarylys saldarynan 28 adam qaza tapqany týraly habarlanǵan bolatyn. Densaýlyq saqtaý mınıstri Fahrettın Qoja 11 adam aýrýhanada ekenin atap ótti.
Bartyn provınsıasynyń Amasra qalasyndaǵy kómir shahtasynda jarylys juma kúni oryn aldy. Tótenshe jaǵdaı 300 m tereńdikte boldy. Jergilikti bılik shahtadaǵy 87 kenshi týraly habarlady. Amasra meri Redjaı Chakyr jýrnalıserge aldyn ala aqparat boıynsha shahtada metan jarylǵanyn aıtty.
Sondaı-aq, túrik kóshbasshysy Rejep Taıyp Erdoǵannyń 15 qazandaǵy jarylys ornyna sapary josparlanǵany týraly habarlandy. Ol qutqarý jumystaryn úılestirý úshin Bartynǵa barýy kerek.