Apat saldaryn joıýda barlyǵy 141 myńnan astam adam jumyldyrylǵan
Túrkıa Prezıdenti Rejep Taıyp Erdoǵan elinde jer silkinisi saldarynan qaza tapqandar sany 19 myńnan asqanyn jetkizdi, dep habarlaıdy Almaty-akshamy.kz Zakon.kz-ke silteme jasap.
Erdoǵan Malatá provınsıasynda brıfıń ótkizdi.
"Jer silkinisi oshaǵynda bolǵan 10 eldimekende 19 388 adam qaza tapty. Zardap shekkenderdiń sany - 77 711", - dedi ol.
Erdoǵannyń aıtýynsha, basqa elden kelgen qutqarýshy toptardy qosa eseptegende, apat saldaryn joıýda barlyǵy 141 myńnan astam adam jumyldyrylǵan.
6 aqpanda tańerteń Túrkıada qatty jer silkinisi boldy. 7,8 baldyq taǵy bir zilzala keıinirek Túrkıanyń ortalyq bóliginde tirkeldi.
Jer silkinisi kezinde Túrkıada bolǵan qazaqstandyq Sabına Mamadárova úıindilerdiń astynda qalǵan. Ol aman-esen tabyldy, onyń qoly synǵany belgili. Taǵy eki otandasymyz - Ádilet Qadyrbekov pen Mırbolat Qurmashev, ókinishke qaraı, óli tabyldy.