Túrkıanyń batysynda jer silkinisi boldy, dep habarlaıdy Aqshamnews.kz.
Jer silkinisi jeksenbi kúni keshke tirkeldi. Silkinis tolqyndary jergilikti ýaqytpen 19:44 shamasynda Stambuldyń batys bóliginde 20–30 sekýndqa deıin sezilgen. Keı úılerde shamdar terbelip, áınekter silkingenimen, turǵyndar arasynda panıka bolmaǵan.
Smartfon qosymshalary jer silkinisi bastalmaı turyp birneshe sekýnd buryn eskertý jasaǵan.
Tabıǵı apattardyń saldaryn joıý basqarmasynyń (AFAD) málimetinshe, jerasty dúmpýleri 3,7 magnıtýdamen tirkelgen. Epısentri Qara teńizde, Stambul áýejaıynyń mańynda ornalasqan. Jerasty oshaǵy 13 shaqyrym tereńdikte bolǵan.
Kandıllı observatorıasynyń seısmologtary magnıtýdany 3,9 bal dep baǵalady.