Jıynda Qazaqstan, Eýropa men Túrkıadan jınalǵan eki myńǵa jýyq qazaq bas qosty.
Altaıdan bastap Taklamakan shóli arqyly Gımalaı, Úndistan, Pákistan, Irak, Túrkıaǵa deıingi qazaq tarıhyndaǵy uly kósh 1952 jyly 13 naýryzda Túrkıanyń burynǵy Premer-Mınıstri Adnan Menderestiń qazaqtardy qabyldaý týraly sheshimimen Anadoly aımaǵynda toqtaǵan edi. Osynaý tarıhı sheshimniń 70 jyldyǵyna oraı túrik jerindegi qandastar bas qosyp, keleli jıyn ótkizdi, dep habarlaıdy Almaty-akshamy.kz.
«Osyndaı erekshe shara uıymdastyrǵan qazaq baýyrlarymyzǵa alǵysymdy bildiremin. Ystambýldyń Zeıtinburny, Baǵjylar, Kúchúk Chekmeje sıaqty birneshe aýdanynda qazaqtar turady. Olarmen qarym-qatynasymyz óte jaqsy. Ózimniń de ýnıversıtetten beri kele jatqan qazaq dosym bar. Aldaǵy ýaqytta da qazaq baýyrlarymyzben baılanysymyz nyǵaıa beretinine senimdimin»,- deıdi Ystambul baǵjylar aýdanynyń ákimi Abdýllah Ózdemır.
«Bul jerdegi maqsat úlken ata- apalarymyzdy jastarmen tanystyryp, basyn qosyp, qazaqshylyqty úıretip, qazaq rýhyn kótereıik dep otyrmyz. Jas qoǵambyz. Qurylǵanymyzǵa úsh jyl boldy», - dedi Qazaqkent Altaı qoǵamdastyǵy tóraǵa orynbasary Bereket Chetın.
Án men kúıden shashý shashylǵan jıynda Altaıdan bastalǵan tarıhı kósh týraly kórme kópshilik nazaryn aýdardy. Munda qasiretti jyldar men taǵdyrlar týraly syr shertetin sırek sýretter qoıylǵan. Aldaǵy ýaqytta Túrkıada tarıhı kóshtiń 70 jyldyǵyna arnalǵan birneshe jıyn uıymdastyrý josparda bar.