Osy jyldyń alty aıynda otandyq avtokólik óndirisi úshten birge artty.
Bul - jalpy quny 507 mlrd teńgeden asatyn 51,5 myńnan astam avtokólik. Atalǵan sannyń negizgi bóligin, ıaǵnı 47 myńǵa jýyǵyn jeńil avtokólikter qurap otyr, al qalǵan tórt myńǵa jýyǵy – júk kóligi. Búgingi tańda olar negizinen Qostanaı zaýytynda shyǵarylady, dep habarlaıdy Almaty-akshamy.kz.
Bıyl munda óndiris kólemi 33,5 prosentke ósip, shamamen 32 myń avtokólikke jetti. Al Almaty zaýytynda eki ese az óndiriledi. Otandyq avtoónerkásiptiń qalǵan bóligi Semeı men Kókshetaýdaǵy zaýyttardyń úlesine tıesili.
Qazaqstan avtobıznes qaýymdastyǵynyń málimetinshe, búginde otandastar arasynda Ońtústik Koreıa, Amerıka, Reseı jáne Qytaı markalarynyń kólikteri tanymal. Al elimizden Ózbekstan, Reseı, Belarýs, Qyrǵyzstan sıaqty elderge tasymaldanady. Aıta ketetini, bıyl eksport birden 23 paıyzǵa artqan.